0%
NewsSri LankaTrending News

பௌத்தத்திற்கு வழங்கிய முன்னுரிமையே நேற்று கண்டியில் இடம்பெற்ற BBSஇன் மாநாடு.

நாட்டில் ஆண்டாண்டு காலமாக சிங்கள பௌத்தத்திற்கு அனைத்து விதங்களிலும் ஆட்சியாளர்களால் முன்னுரிமை வழங்கப்பட்ட வந்தமையில் உச்சகட்ட விளைவே கண்டியில் இடம்பெற்ற பொதுபலசேனாவின் மாநாடாகும் என்று அரசியல் கைதிகளின் விடுதலைக்கான தேசிய இயக்கத்தின் ஒருங்கிணைப்பாளர் அருட்தந்தை சக்திவேல் தெரிவித்தார்.

இனிமேல் எந்த அரசாங்கம் பதவிக்கு வந்தாலும் ஆட்சியாளர்கள் இந்த நாட்டை ஆளப்போவதில்லை. மாறாக சிங்கள பௌத்த இனவாதம் தான் நாட்டை ஆட்சி செய்யப் போகிறது.

நாட்டின் எதிர்காலம் பாரிய இருளுக்குள் பிரவேசிக்கப் போகின்றது. இந்நிலையில் தமிழ், முஸ்லிம் மக்கள் இணைந்து ஒற்றுமையாக செயற்பட்டால் மாத்திரமே எமக்கான விடிவை எட்ட முடியும் என்றும் அவர் குறிப்பிட்டார்.

பொதுபலசேனா அமைப்பினால் நேற்று கண்டியில் மாநாடொன்று ஏற்பாடு செய்யப்பட்டிருந்தது. அம்மாநாட்டில் உரையாற்றிய அவ்வமைப்பின் பொதுச்செயலாளர் கலகொட அத்தே ஞானசார தேரர் இந்நாடு சிங்களவர்களுடையது என்றும், தனிச்சிங்களப் பாராளுமன்றம் ஒன்றை அமைக்க வேண்டும் என்றும் கூறியதுடன், அவருடைய கருத்துக்கள் பெரும்பாலும் தமிழ் மற்றும் முஸ்லிம் மக்களைப் புறக்கணிக்கும் வகையில் அமைந்திருந்தன. இந்நிலையில் இதுபற்றிக் கருத்து வெளியிட்ட போதே அருட்தந்தை சக்திவேல் மேற்கண்டவாறு குறிப்பிட்டார்.

-virakesari-

Get Live Updates
மேலும் வாசிக்க

Qtv Network

கடந்த 2017 ஆம் ஆண்டு தமிழ்பேசும் முஸ்லிம்கள் மற்றும் அடக்கியொடுக்கப்படும் சிறுபான்மை மக்களுக்கான ஊடகமாக Qtv சமுக வலைத்தளங்களில் ஆரம்பிக்கப்பட்டது. இலங்கை மற்றும் இந்தியா ஆகிய நாடுகளில் சிறுபான்மையாக வாழும் முஸ்லிம் மக்களுக்கு நடக்கும் பிரச்சனைகளை வெளிக்கொனர்வதோடு, இஸ்லாமிய வரயறைகளை பாதிக்காது நவீன தொழிநுட்பங்களை உள்வாங்கி தனித்துவமான நிகழ்ச்சிகளை வழங்குதல்

Related Articles

Back to top button
error: Content is protected !!
Close

Adblock Detected

Please consider supporting us by disabling your ad blocker